Մի ճնճղուկ է պատուհանին (բանաստեղծություն)

* * *
Բրդյա շորերս խեղդում են ինձ…
դրսում ցուրտ է ու խավար,
Մերկ, մոլորված,
Մի ճնճղուկ է պատուհանին,
տիեզերքից
մոռացված…

Օդը քաղցր է,
ինձ համար
և նրա …
Դիմացի շենքի մի մոխրագույն պատուհանից
Ժպիտ է նայում,
Ի՞նձ…
Թե՞ ճնճղուկին…
Անհասկանալի է…
Օ՞դն է քաղցր, թե՞ կանացի ժպիտը…
…Ձեռքով եմ անում ճնճղուկին,
Ժպտում պատուհանի աչքերին օտար,
Բրդյա շորերս խեղդում են ինձ…
դրսում ցուրտ է ու խավար...

Ս.Ումառ