* * *
Խաչի փոխարեն
կանգնում եմ քո դեմ,
ուզում եմ խաչվե՜լ,
խաչվել հենց քեզ հետ…
… ափերիցս թող արյունը կաթի
հողին, որ մարմինս է հոգնած…
… քո պարանոցին գլուխս հանգչի
ու հավերժ մնամ խաչված քո խաչին…
Կխաչակնքեմ
ոչ թե ձախից աջ,
այլ քո գժվեցնող մարմնին համաչափ…
… աղոթք կկարդամ իմ խաչը գրկած,
երեսս ողորկ ծնկներիդ դրած…
Չեմ կախի քեզ պատից,
այլ կրծքիս վրա,
երկու ձեռքերով անընդհատ սեղմած
կձուլվեմ քեզ հետ-
քո մեջ կլուծվեմ…
… թող որ ներծծի հողն հավերժ սոված…
արյունս,
անունով քո ներկված…
Կունենամ առանձին
իմ Աստվածն ու խիղճը,
ու հող կդառնամ ես հանգիստ խղճով,
ո՞վ և ինչքա՞ն էլ խանգարի նինջս,
ես միշտ կլինեմ խաչված քո խաչով…
Ս.Ումառ
Комментариев нет:
Отправить комментарий