Աչքերս կարոտ (Բանաստեղծություն)

* * * 
Հիմա ես չկամ,որ քեզ գուրգուրեմ,
Աչքերս չկա՜ն` աչքերիդ կարոտ,
Հիմա մազերդ անփույթ կխառնեն,
Քամու ձեռքերը ամեն առավոտ:

Տխուր նստած ես շուրթերդ սեղմած,
Կարծես թե սի՛րտգ էլ չի աշխատում
Կարծես ի՛մ սիրտն է տեսքիցդ նեղված
Որ թափառում է քո սրտի ներսում: 

Խնդրո՜ւմ եմ, միայն դու ինձ մի մերժիր,
Ամեն նոր տարվա գիշերամուտին,
Նկարիս առջև սպիտակով կանգնիր,
Ու մի մոմ վառիր իմ հիշատակին:

Քո վառած մոմի կրակի լույսից,
Ես կգա՛մ քեզ մոտ,ես քեզ կգտնե՛մ,
Թիթեռնիկի պես մի օրվա կյանքից,
Ես իմ կարոտը քեզանից կառնեմ:

Ս.Ումառ