вторник, 16 июня 2015 г.

Սերը ստեղծագործ …

* * *
Զայրացե՛լ է,
Ցնծացե՜լ է,
Դառնացե՜լ է,
Հասկացե՛լ է, որ
Հասկակալե՜լ է…

Հիմա մի քիչ վշտացե՜լ է,
Գուցե սերս ծերացե՞լ է …

Սերը ծերացա՞ծ, չի՛ լինում այդպես,
Այն միշտ էլ թա՜րմ է՝
Ցողի նման վաղորդյան,
Նույնիսկ, երբ որ ձյունն է ծածկում
Տարիներդ և
Մարմինդ հուրհրան…

Զայրացե՛լ է,
Ցնծացե՜լ է,
Դառնացե՜լ է,
Հասկացե՛լ է, որ
Հասկակալե՜լ է…
Հայտնաբերել է մի Նոր մոլորակ,
Գտել իր տարրերը,
Գույնե՜րը,
Ձևե՜րը,
Ապրելո՛ւ…
Ապրեցնելո՜ւ…իրավունք ունեցող
Սերը ստեղծագործ …


Ս.Ումառ-Հարությունյան

Комментариев нет: