Բանաստեղծություն

Դու սպասում էիր ինչ որ ասպետի

Չեմ հիշում սպիտա՞կ, թե՞ կարմիր ձիով,

Բայց փոխարենը եկա ես՝

Սիրո հենակով…

Մի ծանր հայացքով էլ

Մեծացավ օրս,

Գրե՜լ չգիտեմ,

Գիտեմ կամուրջներ այրել,

Ցանկապատ կառուցել,

Բարձր տանիքներ,

Գիտեմ շշնջալ

- Դե, փորձիր անցնել,

Այդ արգելքներից  փորձիր բռնվել:

Սա փորձությո՞ւն էր, թե՞ անմեղ կատակ,

Երբ դու հեռացար քո սպասման տեղից:

Ասպետներ կգան ձիով,

առանց ձի,

թե առանց հենակ,

Տեղից չեմ շարժվի

Ես տարիներով…

Նորից կասեմ քեզ

- Դե, փորձիր անցնել.

Արգելքն ի՞նչ է որ…