вторник, 16 июня 2015 г.

Խենթ եմ եղել

Է՜հ, չկա՜ս,
Գուցե չես կարող լինե՞լ,
ընկերացել եմ ես ինքս ինձ հետ,
Է՜հ, ի՞նչ անեմ՝
Այդպե՜ս եմ սիրել…
(Միշտ ծիծաղե՜լ ես, ինձ անվանել «խենթ»)

… Սպասո՜ւմն աչքերիս մեջ, որ ե՛րգ էր,
Քարացել է հայացքիս նման,
Կարոտներս արձանացել են -
Դարձել մախրագույն ծիածան:

… Եվ սպասելով ես գնում եմ՝  փախչելով
Հույսի աչքերից,
Խենթ եղել եմ, գիտե՜մ
Գիտե՜մ ,
Խենթ էլ կգնամ աշխարհից…


Ս.Ումառ-Հարությունյան

Комментариев нет: