Անունդ... (բանաստեղծություն)

Ստիպված,

Պարտադիր մտքեր սրսկված:

Ալեհավաքին կանգնած

Սև ագռավ:

… Հուշերումս Անունդ դողաց:

Սեղանին մարմին՝

Լափվելու պատրաստ:

Հերթի են կանգնած

Կարմիր ճիճուներ՝

ջահել ու պառավ:

Հրմշտոց՝ Առաջ

Ընկնելու համար:

… Անունդ մարմինս տարավ:

Մի Կսկիծ

Դրոշմ լուսանկարիս:

Ոսկորից մատներ

Կրծքերին դաջած,

Դալկագույն դեմքով պառավ վհուկներ

Փորձեր են անում մահը մեծարել:

… Փորձում են Անունդ այրել:

Մի ծեր քահանա:

Լքված վանքի պատ:

Վանքի պատերին մեխերով քերծված

Աղոթքի բառեր…

… Այնքա~ն եմ անունդ գրել,

Որ իմ անունն եմ անգամ մոռացել:

Նորից սեղան:

Գինի…

Հաց…

Չմոռացված հոգեհաց:

Սև թամադա,

տերտեր Հայր:

Անձեռոցիկ, ձկնաման…

Կեղծ արցունքներ,

կեղծ մորմոք

Ախորժակից սուտ բողոք…

Սե~ր իմ,

լու~ռ  ես,  

մտահո~գ:

Անունս տալի՞ս ես արդյոք:

 Ս.Ումառ